جولدستار 200 قناه - جميع الاعطال

السلام عليكم مهندسينا الافاضل
لقد جمعت جميع الاعطال من جميع المنتديات العربيه علي الواقع العملي في المشاركات
وهي توضح العطل وخطوات الاصلاح والارشادات للوصول للعطل
ولقد تم تصنيف الاعطال حسب نوع الجهاز
اليوم ان شاء الله سيكون
جولدستار 200 قناه
الماركه المشهوره بالوطن العربي
[ندعوك للتسجيل في المنتدى أو التعريف بنفسك لمعاينة هذه الصورة]

العطل الاول
[ندعوك للتسجيل في المنتدى أو التعريف بنفسك لمعاينة هذه الصورة]
جولدستار بة الايسهات DSM221-119SP==M52771ASP ==TDA2030==TDA9302H==L7805 وفي البور العجينة =M801 الجهاز لد البور مضاء والفولتيات تمام وترانسستور البور والاين سلام وعلي ترانسستور الاين 120 فولت ولكن التلفزيون لم ياخذ البلصة من الريموت ولا المفاتيح والفولتيات موجودة علي علبة التيونر وانا اشك في العجينةM801 ارجوكم الافادة وال P817 سليم ارجوكم الافادة
مشاركه
اخى كده دائرة البور سليمة و m801 سليم
تاكد من الترانستور رقم T721 و زنير D721 و D723 و D735
وايضا ممكن يكون المشكلة فى الميكرو فى طرف 25 و 26
الرد
تم تغير ايس الممري برقم اخر لان رقمة ممسوح وليس الرقم ظاهر علية تم خرج الاتش بي وجاب خط وتم تغير ايس الفرتكل والمكثفات وفردة الشاشة لكن عمليات الايس الممري غير كاملة ارجو من سيادتكم التكرم بكتابة الرقم الاصلي لانة كان العيب الاساسي منة لانة كان لاغي جميع العمليات
مشاركه
تأكد من سلامة الريموت والسينسور لان هذا الجهاز اذا تام غلقه من الريموت لا يفتح ابدا الا من الريموت
الرد
هل هناك حل لهذة المشكلة مثلا لو الريموت تالف ولا يفتح من البرستات او لايوجد ريموت ارجوكم شرح طريقة فتح التلفزيون من الزراير ويستمر العمل من البرستات والريموت اذا وجد وهل رقم ايسي الممري هو M24C04 وهل هذا الرقم صحيح وان لم يكن فما هو الرقم
مشاركه
جولد ستار 200 قناة ريموت برنس 21 يشتغل بداله
وتفتح القوائم وتلغى كلمة فتح أمام صورة الطفل
الذاكرة 24co4
ويلزم شحنها وأحتمال كبير تعمل البرسات بعد شحنها
احتمال الذاكرة كانت سليمة والبرسات مغلقة من الريموت
والريموت غير موجدود لديك لفتح التليفزيون
أو الريموت موجود وليس له تأثير لأن السينسور السبب (تالف)

العطل الثاني
[ندعوك للتسجيل في المنتدى أو التعريف بنفسك لمعاينة هذه الصورة]
ارجو الافاده في تركيب دايره باور لجهاز جولد ستار 200 قناه
دايره الباور الخاصه به بها الدايره المطبوعه m801
وليست موجوده في السوق ومعروفه بدايره الباور في التليفزيون برنس
وانا الان جاهز لتركيب دايره باور خارجيه للجهاز
ارجو الافاده ايه العناصر اللي المفروض اشيلها
مع العلم ان خرج دايره باور الجهاز
110 فولت
+12 فولت
-12 فولت(بلسالب)
مشاركه
طريقه التوصيل
الخطوات
رفع محول الشوبر نهائي من الجهاز
توصيل الدائره الخارجيه بسلك مكان الشوبر
اهم الملاحظات
غلق نقطه 10+11 معا وتوصيلها بالجهد 14 فولت
الدائره ذات 2الارضي

العطل الثالث
[ندعوك للتسجيل في المنتدى أو التعريف بنفسك لمعاينة هذه الصورة]
الاوديو والفيديو لا يعمل في الجهاز وعندما اضغط علي زر av في الريموت كنترول لا تؤثر و تعطي نفس القناه التي كانت عليها من قبل فما هي الصيانة
مشاركه
اعد شحن المومرى من جديد وسوف يعمل معك جيداً
مشاركه
اضغط على OK لمدة ثلاث ثوانى
سوف تظهر لك كلمة Eeprom confirm
بعدها اضغط على vol + يتحول الجهاز الى حالة
stand by افتح الجهاز سيرجع الى ضبط المصنع
ان لم يفلح يتم قياس خروج الامر من البروسيسور والتاكيد على وجود جهد التغذية على متكاملة الاوديو فيديو اذا كانا مظبوطين فهذا يعنى تلف المتكاملة

العطل الرابع
[ندعوك للتسجيل في المنتدى أو التعريف بنفسك لمعاينة هذه الصورة]
فى جهاز كاترون 14 بوصه
يعمل بموسفت وكارته
الجهازالليد يضى لمده ثانيتين ثم تطفى قمت بتغيير الترانزيستور a1273 والجهاز اشتغل وتمام ولكن المشكله هنا ان الترانزيستور بيسخن جدا وبعد مرورشغل نصف ساعه يطفىء ويعمل لوحده
مشاركه
الترانزيستور المذكور نوعيته فى السوق رديئة
وهتلقيه تلف مرة أخرة
أعمل شورت بين e,c وجربه فترة وهيمشى الحال
تمام
مشاركه
غير رقم الترانستور A940 وسيعمل جيدا
لقيت اكتر من ترانزيستور بديل واحسن من A1273
وهما
A966 & A928A & A910
دول شغالين تمام ومش بيسخنو

العطل الخامس
[ندعوك للتسجيل في المنتدى أو التعريف بنفسك لمعاينة هذه الصورة]
جهاز جولد ستار 200 قناة عطل فى دائرة الباور تم تغير الموسفت (FS3KM )
وتغير اللوحة المطبوعة وتغير الزنر 27 فولت وقياس كل المقاومات الموجودة فى الدائرة اتضح انها سليمة
وعند توصيل الكهرباءيرفع الجهاز ثم يكتم وتطفىء لمبة البيان
ملحوظة
تم تجربة الجهاز على دائرة باور
خارجية اشتغل الجهاز
مشاركه
ياريت الموسفت يكون 5 أو 7
نغير المكثفات والفوتو
يتم تغير مكثف 100 ميكرو 200 فولت علي خط خروج الشوبر
بدون قياس

العطل السادس
[ندعوك للتسجيل في المنتدى أو التعريف بنفسك لمعاينة هذه الصورة]
الجولد ستار
موديل / CF20A86A
المذبذب/ M52771ASP
بريسيسور/ DSM225-050SP
من البداية وبالتفصيل
جانى الزبون وقال الجهاز عمل فرقعة وطفى
بالكشف السريع على الجهاز وبالنظر على القطع كلة سليم وتمام ولمبة البيان منورة وزى الفل ولكن الجهاز لا يعمل ؟
ما تم من قياسات
خرج التشوبر
خرج فولت من طرف 14 من بعد المـــــلف L881 والديود D880 بالقياس 115 فولت
خرج فولت من طرف 11 من بعد المقاومةR893 والديود D893 بالقياس سالب 8.8 فولت
خرج فولت من طرف 10 من بعد المقاومةR890 والديودD890 بالقياس 10 فولت
مكبر الهورزنتال سليم + الجهد واصل الى محول الدريف (DRIVE -H) الترنزيستور الخاص بة سليم
قلت اشوف نبضة الهرزنتال من على طرف 12 فى المتكاملة M52771A لقيتة غيرموجود زيرو فولت...
طيب اشوف جهد ال VCC ال 9 فولت على رجل 22 فى نفس المتكاملة ايضا غير موجود ...على الفور قمت بنزع الميمورى ورقمة 24C 08 ووضع واحد من العلبة مكانة مش فاكر مشحون باية ( معنديش ملف هذا الموديل )
وضعت فيشة الجهاز على السرية مع تعليق الافو على خرج الشوبر..
سمعت صوت فرقعة ضغط عالى و فى نفس الوقت اضائة شديدة للمبة السريا
بسرعة نزعت الفيشة . ومن بعد تفريغ الشاشة قمت بنزع كابل ال HT من الشاشة هذا خوف على الشاشة
ثم من جديد وضعت الفيشة على السريا .. صوت عالى جداً لل HT فى نفس الوقت اضائة عالية للمبة السريا ثم ينطفى الجهاز للحظة لا اقل .ثم صوت عالى جداً لل HT فى نفس الوقت اضائة عالية للمبة السريا ثم ينطفى الجهاز .. ومع ملاحظتى لقياس البور فى نفس الاثناء ارتفاع الفولت الى 115 ثم 130 ثم 80 كل هذة التقلبات بسرعة جدا ومتلاحقة...........
قلت يا مسهل الحال يارب لم اجرب بور خارجى لما نشوف اخرتها مع الجهاز
قمت بتشفيط اطراف التشوبر من ناحية دخل البور ورفع وميلان التشوبر حتى خروج الاطراف من فتحات الشاسية .. وطبعا تركت اطراف الخرج كما هى موصلة على الشاسية ....
جهزت دخل وحدة البور الخارجية بال 300 فولت من المكثف الكبير ثم تم توصيل ارضى البور الخارجى بارضى التشوبر بالجهاز وطرف ال 110 للبور الخارجى بطرف التشبر رقم 14 بالجهاز ...لحد كدة كويس .. كل دة وما زال كبل ال HT خارج الشاشة..
قلت يا هادى ... وصلت كابل ال HT فى مكانة
حتيط الفيشة على السريا والحمد الله اشتغل الجهاز تمام التمام
مع ان الميمورى الى ركبتة مش بتاعة ولكنى لم اقم بتجربة القنوات والبحث ولكن من الواضح مافيش مشكلة وقلت اغير البور طبعا بالاصلى صوت الفرقعة الى سمعها الزبون انا سمعتها من بعد تركيب الميمور الفاضى
وكانت فرقعة ال ht كان عالى جدا اول ما الزبون قلى فرقعة انا قلت اكيد البور وبعد فتح الجهاز وجد ان قطع البور كلها شكلها زى الفل وبصراحة انا فى البداية شكيت فى الاين والى اكد الشكوك من بعد قيام الجهاز وجود الضغط العالى عالى جدا مع التقطيع .. لكن الشك تحول للبور وتجربة البور الخارجى حسم الامر
مشاركه
بالفعل اخى اتشبة البور هى المسؤولة عن هذة اللخبطة فى البور
الرد
ساقوم بتغييرها هى اولا واقوم بالتجربة
ملخص العطل
الجهاز ميت ولمبة البيان مضيئة وكما ذكرنا الفولتيات خرج التشوبر كلها شبة طبيعية
فمن الطبيعى البحث عن العطل فى قسم الهروزنتال وجدنا المكبر سليم ولا يوجد نبضة هورزنتال ولايوجد فولت على اى سى المذبذب ومن بعد نزع الميمورى اشتغل الجهاز ولكن مسحوب بصوت فرقعة ضغط عالى مع تقطيع فى التشغيل ومن بعد اختبار الجهاز على بور خارجى اشتغل الجهاز بكفائة عالية فتأكدنا من عطل البور
فكان البحث عن العطل فى دائرة البور
من المعروف عن S5KM انها يتكون شورت او فتح او مفرقعة وهى غير ذلك هنا فسبتها فى حلها
وايضا تشبة البور دائما نجدها بها شيئ مدخن او مفرقع نتيجة ضرب ال S5K
ولكن قمت بتغيرها للتأكد ولكن طلعت بريئة المذنب فى مكان اخر
مقاومة شغلتنى فى الجهاز أكثر من ساعتين
هذة المقاومة غيرت من طبعها من 39 ك الى 130 ك

العطل السابع
[ندعوك للتسجيل في المنتدى أو التعريف بنفسك لمعاينة هذه الصورة]
تلفزيون كاترون 14 بوصة يشتغل لحظات ويفصل بور وبعد قليل افتح البور يشتغل لحظات ويفصل وهكذا على ما اظن بة حماية فارجو من قابل هذا العطل فى هذا الجهاز بالزات فاليتفضل بالرد
اى سيهاتة dsm 225-050sb
يوجد ملحوظة الجهاز يعمل دون توصل الاريال وعند توصيل الاريال يعمل لحظات صوت وصورة ويظهر صوت من الدى لاين ثم يفصل واذا تركت الاريال وفصلت الدفليكشن يعمل صوت وتوجد النقطة فى منتصف الشاشة قست اليوك مشاركه
إما لحامات دراى فى منطقه الهورزنتل
أو خرج عالى من دائره الباور تغير المكثفات الصغيره ناحيه الدخول
أو مكثف ال180 فولت من اللاين الى سوكت الشاشه
غير مكثف ال180 فولت على تيار الفديو من اللاين
غير مكثف صغير على تيار ترانس الدرايف ونرى مايحدث
الرد
قمت بتغير المكثفات والوضع كما هو لكن 110 وصلين حتى المكثف 160 بعدها بيدخلو على زنر 33 فولت والفولت على الدى لين 55 بدل من ال 110 ولكن بعد الزنر ال33 لا يوجد فولتات رغم انة واصل على ال 110 فى الدى لاين واذا غيرتة اسمع صوت تكتكة ليست من السماعة وبعدها يحترق اعيد الزنر القديم يرجع الوضع كما كان
مشاركه
من المفترض انك قست ال110فولت على المكثف الخاص بها ولابد من تواجد نفس الجهد على طرف اللاين +Bوايضا طرف المجمع من الباور هوريزنتال
والزنر ال33فولت ياخذ جهد من ال110عبر مقاومه عاليه (10ك)ولابد من وجود ال30فولت على كاثوده
فمالذى يخفض الجهد على الباور هوريزنتال وبالتالى على دخل الزنر
وانت تقول ان الجهاز يعمل قليلا ثم يغلق هل لاحظت انه فى حالة الاغلاق الباور هوريزنتال يسخن وبالتالى الجهد ينخفض عليه
الرد
العطل دة علاجة كما تفضلتم ورديتم علية لكن من الصعب انى ارد بعد كل محاولة لانة جهاز مش طبيعى الشكل جولدى والشاسية يشبة الجولدى والبرنس ومكتوب علية كاترون لو مكنتش اول واحد فتحة كنت قولت انة متجمع على اليد ويشاء الله ان يجيلى جهاز مثلة وعن طريقة اتحلت المشكلة
الغريب فى الامر انة بعيد عن الاماكن اللى فكرنا فيها جميعا لكن بيتحكم فيها
وجد ترانزوستور رقمة a733 ورقمة على الوحة 721 لقيت مكانة شبة ساخن بدلتة من الجهاز الاخر للتجربة فقط لقيت العطل كان منة ولو انى مش فهمة لكن الحمد لله تم الاصلاح

العطل الثامن
[ندعوك للتسجيل في المنتدى أو التعريف بنفسك لمعاينة هذه الصورة]
تليفزيون جولد ستار 200 قناة
في حالة قطع الجهاز باور وتلف الموسفت ks5km
الاصلاح والصيانة
يراعى تغيير الزينر 28فولت الموجود بجوار الموسفت
ويمكن استبدال الموسفتks5km بالرقم ks7km
وتغير الفوتو كبلر ، واى سى الصوت يسبب تلف دائرة البور باستمرار

العطل التاسع
[ندعوك للتسجيل في المنتدى أو التعريف بنفسك لمعاينة هذه الصورة]
استخدمت طريقة الدخول الي القائمة وهي
menu
3849
or
3546
ولكن للاسف لم يفتح السرفيس مود
ولكن عندما اضغط ok لمدة 3ثواني يفتح معي استعادة ضبط المصنع بس للاسف لايوجد تغير في العطل
يوجد عيب في الفتركل الصورة ناقصة من فوق ومن تحت مقدار 2سم وAV
لا يستجب للدخل الصوت والصورة ويعطي محطة RF فهل هناك طريقة عند الاخوة لفتح السيرفيس مود او الحل لهذة المشكلة
وارقام المتكاملات هي
DSM-225-050SP
M52771
مشاركه
اضغطmenu ثم6453 --لاعادة ظبط المصنع اتبع الاتى اضغط ok لمدة 3ثواني سوف تظهر eprom confirm بعدها اضغط علي +vol يتحول الجهاز الي اعادة ضبط المصنع والله الموفق

العطل العاشر
[ندعوك للتسجيل في المنتدى أو التعريف بنفسك لمعاينة هذه الصورة]
الجهاز- جولد ستار 200 قناه 14 بوصه
model no_cf_14A86A
يستخدم دايره باور خارجيه تستخدم الترانزستور C4237
ترانزستور الهوريزنتل 508DF
PHM 9712
PROCESSOR DSM 225.252SP
SIGNAL PROCESSOR M52771SP
المهم
ان الجهاز فاصل صوره وبلمس الطرف 1 من ايسيه الصوت نجد وش في السماعه
الجهد 110 تمام
ليد STAND BY مش مضئ
الترانزستور T 735 وجدته OPEN
والمقاومه R 735 محروقه وتقيس 470 اوم
وبرفع الترانستور وتركيب مقاومه اخري 10 كيلو اوم
ليد الاستاند باي اضاء لمده بسيطه ثم انطفئ والترانستور تلف مره خري وبتركيب واحد اخر حدث له ما حدث للاول
المهم
ان الجهاز متركب له دايره باور والتشوبر الاصلي للجهاز مرفوع
الفني اللي كان عنده الجهاز رفع الترانزستور tr721 ورقمه في المخطط ktA1273 وركب بدالها الترانزستور B 722والاطراف لهذا الترانزستور كما يلي اذا كانت الكتابه مواجهة لك من اليمين للشمال BASE _COLLECTOR_EMITTER
المهم ان هذا الترانزستور وانا شغال في الجهازز رجل منه اتفصلت
لان الفني كان مركبه بعيد عن الشاسيه وعلي مبرد
والترانزستور كان متركب في الشاسيه وبدون مبرد
المهم جبت ترانزستور وركبته زي ما هو موضح علي الشاسيه
الاطراف علي الشاسيه توافق اطراف الترزانزستور بدون تعديل
وبتركيب المقاومه470 في مكانها وترانزستورT 735 C1398
لثالث مره
اجد ان الليد الاحمر يضئ ثم ينطفئ زي الاول
الترانزستور طار زي اللي قابله
المشكله كانت في ان الترانزستور TR721
عكست الاطراف COLLECTOR و EMITTER
الجهاز طلع فولت عالي وفتيله بدون اضاءه
الجهد VDDعلي الميكرو بروسيسور حوالي 3 فولت
نجد ان الترانزستور TR 721 يسخن ولذلك الفني كان مركبه علي مبرد
القاومهR728 تسخن سخونه غير طبيعيه زي الترانزستور
والترانزستور TR735 ينكسر وبعد تركيب بدل التالف اجد ان ويطلع الجهاز جهد عالي تظهر نقطه بيضاء في منتصف الشاشه
المقاومه r728 تسخن بطريقه غير طبيعيه اي انه يوجد شورت قبلها اوبعدها(هل الكلام ده صحيحي ام لا)
المهم اني وجدت الموحد الخاص بتوحيد الجهد 24فولت الذي تنقله هذه لمقاومه فيه نسبه خطا تم تغيره
ودلوقتي واقف stand by ولا يستقبل من الريموت ولا الزراير والمقاومه r728 ما زلت تسخ المهم ان الجهد 110 فولت الخرج من دايره البور عالي جدا
حوالي 175 فولت وبعد التوحيد حوالي 150 فولت المهم ان اقل مدي لبوط المنظم في الدايره يعطي جهد بعد التوحيد حوالي 130فولت وفي هذه الحاله يكون ليد الاستاند باي مطفئ وعند رفع الجهد مره اخري يضئ الليد افيدوني
هل اغير الدايره واجرب بوحده اخري ام اغير ترنزستور لباور بواحد اخر وليكن D 1710
مشاركه
كارتة البور الخارجية تغير 2 مكثف
50 فولت 100 ميكرو
وشوف النتيجة
يتم تغيير الـ 2 مكثف الموجودين فى دائرة البور وان شاء الله الفولت ينزل للطبيعى وفى حال نزول الفولت للطبيعى وعدم عمل الجهاز يتم تغيير المومرى ومراجعة الـ 5 فولت مره اخرى
الرد
اللي حصل اني جبت دايرة باور من تليفزيون جولد ستار 200 قناه(شغال تمام)
يعني نفس الشاسيه
المهم تم التوصيل ونفس الموضوع لم يعمل الجهاز
ولكن الغريبه ان عند توصيل اطراف الترانوزستور b772عكس اطراف الترانزستور الemitter مكان الcollector( زي مكان الفني السابق موصل مع العلم التوصيل غلط)
الجهاز يطلع جهد عالي ومع لمس اطراف ايسيه الصوت تظهر وش في السماعه
مع ظهور نقطه بيضاء في وسط الشاشه
المهم
ان اشرت علي الزبون بتركيب شاسيه وقلت له تكلفه الجهاز لوركبنا له دايره باو مع اصلاح التلف في مكونات الجهاز وقلت له برده تكلفه الشاسيه
لا عجبه ده ولا ده
الاهم
اني اشكركم علي الاهتمام
ودي هتبقي اخر مره(ان شاء الله تعالي) اقبل جهاز ملعوب فيه بلشكل ده(قصدي الشغل اللي عمل الفني السابق)

العطل الحادي عشر
[ندعوك للتسجيل في المنتدى أو التعريف بنفسك لمعاينة هذه الصورة]
جهاز جولدستار احمد بهجت 200 قناة
الباور لا يعمل تم تغيير ترانزيستور الباور Fs3km فعمل الجهاز طبيعيا و جميع الفولتات مضبوطة ولكن بعد حوالى 10 ايام تلف الترانزيستور مرة اخرى وتكرر هذا الامر عدة مرات وبعد عمله نفس المدة تقريبا مع العلم ان الترانزيستور يعمل طبيعى ولا يسخن
مشاركه
ركب واحد اخر اقوى
Fs7km
مشاركه
يبدو أن الترنزستور الذى أشارت اليه مضروب فى السوق وهو بالفعل موجود بالجهاز أصلا أى الذى نزل به الجهاز من الشركه ولكن بعد هذه التجربه التى مرت بك وبى وبعض الفنين وجدنا فعلا أن الترانزستور الموسفيت الذى أشار الأخ اليه هو فعلا اصلح فتوكل على الله وركبه فى الجهاز وبعدها لاترى الجهاز عندك بأذن الله
الرد
الجهاز يعمل بكفاءة وكله تمام وشكرا

العطل الثاني عشر
[ندعوك للتسجيل في المنتدى أو التعريف بنفسك لمعاينة هذه الصورة]
جهازجولدستار200قناه قاطع بور وبعد عمل الازم ظهر خرج البور 115فولت على وضع الاستاند باى وعند محوله تشغيل الجهاز يصدر صوت ويرجع استاند باى مره اخرى وبعد تغيير الاين الحاله كلاتى الجهود تمام فى البورده الرئيسيه وبورده الشاشه والHTتمام ولكن لايوجد اضائه وعند مراجعه اشاره الoscوجدتها 30 بدلا من 15.625 كيلو هرتز علما بان الاشاره خارجه من الIC وواصله لملف الدريف15.625 ولكن خارجه منه 30
مشاركه
رجع الاين الا صلى للجهاز ويوجد كندسر سرميك بجوار
ترنزستور الافقى 6.8نانو غيره
الرد
تم تركيب الاين الاصلى علما باننى قمت بتغيير المكثف المشار اليه من ذى قبل النتيجه الان ان الجهاز استاند باى وعند الضغط علىCH+ اللمبه السيريا تتوهج جدا مع صوت زنه ثم يعود الجهاز الى الاستاند باى علما بانه كان هناك مقاومه بقيمه 10Kرقمها R460كانت محترقه وايضا المكثف ال6.8كان محترق قليلا من الاسفل وبالقياس وجد ليس له قيمه
مشاركه
اولا هل هناك تغذية على ترانزستور الحافز الافقى لو لا
1-الترانزستور تالف
2- التغذية مش واصلة (راجعها وهل لها علاقة بالاستاندباى ام لا وكذلك اى سى الاخراج الراسى(مهمة) تلفها احيانا يسبب هذا ليس معى الدايرة)
3- فتح فى ترانس الحافز الافقى او تحمص فى خرجه
4- تلف ترانزستور اللاين
5- افصل اليوك وجرب
مشاركه
افصل اى سى الراسى تماما وجرب 90% هى السبب الجهد 115 موجود على كولكتور الbu4506dx وتم فصل اليوك وايسى الفيرتكال
والنتيجه ان الجهازبعد الضغط على CH+kينور لمبه السيريال ويرجع الى وضع الاستاند باى مره اخرى ثم اننى قمت بتغيير ملف H- DRIVE ارجو الافادة
مشاركه
قوم بتغيير icالميمورى
الرد
لقد قمت بتغيير ايسى الEEPROMاختلف شكل العطل شويه وهو ان الجهاز بيحاول ان يقوم لوحده بدون الضغط على CH+ولكنه يرجع تانى الى الاستاند باي هل الاى سي يحتاج الى برمجه اولا؟ ام ان الاين تالف واحاول مع الاين الجديد؟
مشاركه
على ما اعتقد ان جهازك يعمل ب m52771sp
تاكد من وجود 9 فولت على الh vcc على رجل رقم 22 فى المتكاملة و ليس اكثر من 9 فولت
يوجد كرستالة المذبذب الافقى على رجل 16 قم بتغيرها خرج الهروزنتال من رجل رقم 12 فى المتكاملة يجب ان يكون ترددها 15625 كيلو هرتز
قم برفع ترانزستور اخراج الافقى و قم بقياس التردد على قاعدة الترانزستور فى الشاسية يجب ان تكون بنفس قيمة الخرج من المتكاملة
و فى هذه الحالة عندما يكون ترانزستور الاخراج مرفوع هل السريا ثابتة
لو كان كل هذا تمام
قم بتركيب ترانزستور الاخراج وافصل جميع الجهود الخارجة من اللاين و جرب
الرد
لقد ركبت اىسى ابروم جديد مشحون لم تختلف النتيجه الا انى شميت ريحه شياط خفيفه اتضح انه من تحت سوكت الشاشه وبرفع السوكيت وجدت انه محترق خفيفا ما بين الارضى والاسكرين وبتغيير السوكت اشتغل الجهاز

العطل الثالث عشر
[ندعوك للتسجيل في المنتدى أو التعريف بنفسك لمعاينة هذه الصورة]
عندى مشكله فى جهاز جولدستار بتاع الدكتور احمد بهجت
اللى فيه الكرته الصغيره فى دائرة الباور
المشكله : ان الجهاز بيعمل استاندباي بعد حوالى 5 ساعات شغل
مشاركه
غير مكثف الالكو اى مكثف التغذية العمومى و غالبا بيكون 150 ميكرو 450 فولت

العطل الرابع عشر
[ندعوك للتسجيل في المنتدى أو التعريف بنفسك لمعاينة هذه الصورة]
CF-16D16A موديل الجهاز جولد ستار العطلان 0
مظهر العيب الصوره بهتانه تحتاج تزويد التباين 0من البرسات فى الجهاز تؤثر وتزود وتقلل ولكن تحتاج وضوح اكثر السيرفس تعلى وتنخفض بدون تأثير على التباين كل ما يحتاجه الجهاز هو زياده الوضوح 0 تم تغير الاين ولاتأثير نفس المشكله 0 التأثير من البرسات ولا تأثير من السيرفيس
مشاركه
اعتقد ان العيب يكمن فى دائرة ال ablالممتدة من اللاين(ارضى الeht)حتى تحكم التباين بالic
راجع خط Abl من اللاين واذا وجد علية بفة غيرها
-قم بفصل الدايودالرابط بين ال aclاو ablكما تعتاد تسميتة اذا زاد الوضوح تاكدنا ان العيب فى ال abl
غير ذلك تاكد من مكثف التباين
2-الاشارة y ضعيفة اما من الكاشف :xlve: او ال IC
الرد
فصلنا الطرف 25 فى البروسيسور ظهر نمش على الشاشه والتباين ظهر وخرج الفولت على رجل رقم 6 فى اللاين هل هذا يدل على ان Ic ا لبروسيسور تالف
اعتقد لو ان ال ic تالفة لظل العيب كما هو حيث ان التباين هو المحدد لقوة الاشارة y
مشاركه
العيب الان تاكد فى دائرة ال ABL
اما البفة او تسريب دايود او ترانزستور
الرد
كما توقعت ان العيب فى ic DSM225-050SP وهو الميكرو برسيسور 0 وفى الحقيقه هذا العطل تعرضت له اكثر من مره ويكون العيب فى نفس الميكرو

العطل الخامس عشر
[ندعوك للتسجيل في المنتدى أو التعريف بنفسك لمعاينة هذه الصورة]
Goldstar
Model.cf-16d16a
Pros.dsm2226-50sp
دائرة البور بالجهاز تعمل عن طريق دائرة 92v الكارت بالاضافة الى الموسفت او Fs3k
العيب كلاتى الجهاز لا يعمل وليس هناك اى خرج على الشوبر تم تغيير الدائرة 92v والموسفت وتم تغيير المكثفات الكيماوية بجوار الدائرة وتم تغيير الزينر 27v تم التاكد من كافة المقاومات فى الدائرة لكن لا فائدة
اشار لى البعض بتغيير انتجريد الصوت وتم ذالك وايضا الفوتوكبلر لكن لافائدة
شكى الان يوجة الى البروسيسور الاساسى والذى ذكرتة اعلاة
فهل هناك تفسير غير ذالك
مشاركه
العيب عندك فى دائرة البور لان الجهاز مش يخرج اى فولت على التشوبر ويجب فحص دائرة البور
او التاكد من خلال ان تجرب دائرة بور خارجيه للتاكد من عيب
الرد
الجهاز كان بة دائرة بور خارجية وانا حبيت ارجع الوضع لاصلة
مشاركه
انت تقول ان الجهاذ كان بة دائرة بور هل كان الجهاز يعمل ام لا ان كان يعمل بدائرة البور يكون العيب فى دائرة البور التى تعمل انت فيها الان ام كان لا يعمل بدائرة البور يكون العيب فى غير دائرة البور ولا تشك فى البروسيسور الان يجب ان تخرج الجهود الخاصة من دائرة البور الاول ثم احكم على البروسيسور وان تاكدت ان التغذية الرئيسية موجودة يجي قياس جهد الريست ثم vdd البروسيسور ثم الحكم على الجهاذ
مشاركه
غيير الزينر ال20 فولت عندك في الباور حتى لو كان قياسه سليم
زينر دايود 27 فى دائره البور مهم جدا مع المقاومه 22 اوم ثم mosfet والكارت

العطل السادس عشر
[ندعوك للتسجيل في المنتدى أو التعريف بنفسك لمعاينة هذه الصورة]
تلفزيون جولد ستار 200قناة بيشتغل ابيض واسود ممتاز وبعد شوية تجى الوان عن طريق التيونر وال اديو والفديو وقمت بتغير بعض المكثفات الموجودة بجانب الكرستالة وغيرت الكرستالة بتاعة البال ومكثف صغير بجانب الاين على اعتبار على انة بتاع afc
مشاركه
هل الجهاز بة عطل فى الالوان ؟
ومع البحث تظهر الالوان
أم ماذا
الرد
الوان بتجى بعد حوالى دقيقة او اكثر على قناة Av وعلى التيونر واثناء النقل تصبح ابيض واسود وبعد شوية تلون انا اشك بانة عيب بخط Afc

العطل السابع عشر
[ندعوك للتسجيل في المنتدى أو التعريف بنفسك لمعاينة هذه الصورة]
جهاز جولدستار 16 بوصة بريموت
العطل ان الجهاز غير مستجيب لاوامر الزارير الامامية وعند توصيل بالكهرباء الليد الاحمر يضئ و يعمل مباشرة وهو الان واقف علي قناة AV2
فهل العطل في الميكرو بروسيسور ولا في الميموري(24C16)
مع العلم اني قمت بتركيب ميموري جديدة بعد شحنها من القديمة
ولكن لافائدة ونفس العطل موجود
ملحوظة : هناك ترانستور بيسخن وعلية جهد علي القاعدة بقيمة 12فولت ورقمة A1273
وعندما قمت بازالتة لم يعمل التلفزيون مباشرة ولكن الليد الاحمر نور ثم طفي
هل ممكن ايبروم هذا الموديل CF-16D16A
قمت بتركيب ميموري جديدة بعد شحنها من القديمة
ولكن لافائدة ونفس العطل موجود
مشاركه
العيب اعتقد كان حماية ضد عبث الاطفال
وانت شحنت الذاكرة بنفس بيانات الذاكرة القديمة والتى تحمل امر الحماية
استخدم الريموت والغى الحماية من القائمة
الرد
اشتغل وكان العطل فعلا في الميموري وقمت بشحنها بملف موديل 16d16e
وعمل الجهاز
والريموت ريموت البرنس اشتغل علية

العطل الثامن عشر
[ندعوك للتسجيل في المنتدى أو التعريف بنفسك لمعاينة هذه الصورة]
عندى مشكله فى جولدستار 14 أحمد بهجت
الجهاز فى الأول كان فى وضع الأستاند باى مش راضى يأخد أمر من الريموت ولا البريست عملت شورت بين الطرف22 من الميكرو كمبيوتر والأرضى غمزه أشتغل الجهاز ولكنه جايب أرسال ومفيش صوت ولا بيستجيب للبريست ولا الريموت
مشاركه
أنت فى هذة الحالة لغيت وظائف الميكرو
هل بعد غلق التليفزيون بعد عملك للشورت يشتغل أم يبقى على الأستاند باى
مشاركه
إبدأ بالسهل أولا غير آىسى الميمورى
الرد
الجهاز موديل CF-14A80X
عند غلق الجهاز وتشغيله يشتغل ديركت والليد مور بسيط
وعلى البن 22من الميكرو كنترول1.5 فولت الميكرو كنترول DSM220-165SP
مشاركه
بجوار الميكرو غالبا ترا نستور a1273 غيرة لو سليم ..؟
تم تغيير A1273 وجارى تغيير المومرى
الرد
تم تغير الموموري والجهاز يعمل بارك الله فيكم

العطل التاسع عشر
[ندعوك للتسجيل في المنتدى أو التعريف بنفسك لمعاينة هذه الصورة]
جهاز جولد ستار 16بوصة 200 قناة من طراز(CF16D16A)تواجهنى فيه ثبوت مؤشر الصوت عند واحد درجة واختفاء قائمة البحث فارجو منكم النصيحة
مشاركه
ادخل سرفيس جولد ستار 200 قناة وقم بتظبيط سرفيس جهازك
وسوف يعمل جهازك كما هو
وبالنسبه لحاله عدم وجود قائمة البحث قم بالتاكد من بيانات hotel فى السرفيس وهى صفر وبالنسبه لصوت التاكد من وظيفه vol فوليم فى السرفيس
لفتح السرفيس اضغط على مفتاح
preset
ثم مفتاح 6 ثم4 ثم 5 ثم 3
اضغط على مفتاحين -P+,P للتنقل بين القيم الموجوده فى قائمة السرفيس
واضغط على مفتاحين VL+,VL لتغير فى القيم
ام القيم المهمه اخى العزيز فهى
hotel وهذه الوظيفه تكون قيمتها صفر وتغير فى قيمتها عن طريق VL+,VL
وهى علشان تفتح قائمة البحث
ام القيمه الثانيه
Vol. limit تكون صفر
والقيمه الثالثه
Vol. opt تكون صفر وهذه القيم للصوت وهى الاهم
ثم اقفل الجهاز وشغله مرة ثانيه سوف يعمل تمام
الرد
لقد حاولت ونجحت المحاولة

العطل العشرون
[ندعوك للتسجيل في المنتدى أو التعريف بنفسك لمعاينة هذه الصورة]
جهاز جولد ستار احمد بهجت 200 قناة 20A86A تم تشغيله على كهرباء ضعيفة جدا (نور مسرى ) لفترة وجائنى قاطع بور تماما والفيوز والمقاومة الحرارية غيرت الفيوز والمقاومة والموسفت وحدة المتكاملة (لا اعرف اسمها العلمى ) بجوار الموسفت والزينر والفوتو..
ولا جديد فصلت الاحمال من خرج الشوبر لا جديد فعلت وغيرت كل ما يحتمل سؤالى لكل الاخوة هل يصلح تركيب دائرة بور خارجية لأننى ركبت دائرة المنياوى ووصلت 110 فولت 16 فولت والارضى اشتغل الجهاز تمام دون الصوت لم يعمل لان اى سى الصوت مخرجة 16 فولت تحرق السماعة فورا ايه المقصود بالتغذية السالبة للصوت فى هذه الدائرة ؟
هل يعنى ان دائر الصوت لها أرضى خاص بها!!
ولكن لا يوجد تغذية سالبة للصوت فى دائرة المنياوى
فهل يمكن تعويض ذلك بعمل شئ فى هذه دائرة المنياوى لعمل تغذية سالبة
والملاحظ انا الجهاز يكتم كلما وصلت السماعة او يحرق السماعة بسبب الفولت الخارج من الاي سى 16 فولت
مشاركه
لحل مشكله فولت الصوت
دائره الباور بها 0-12-24-48-110..
كل ملف من الفولتيات له صفر-ارضي
اخلع الشوبر وافصل 0 ال12 فولت سينتج لك طرفان تغذيه للصوت
مشاركه
جرب دائرة بور سامسونج امون

العطل الحادي والعشرون
[ندعوك للتسجيل في المنتدى أو التعريف بنفسك لمعاينة هذه الصورة]
جهاز جولدستار مود يل CF-20A86A
وقع عليه مياه على اكثر من مكان فيه تم تغيير معظم مكونات دائره الباور واشتغل الباور واضاء اللد الاحمر لكن فى وضع غريب اللد يضىء وينطفئ بسرعة ولا يعمل الجهاز وعند رفع آي سى المومرى
يستقر اللد كأن الجهاز فى وضع استاند بآي
ولا يستجيب طبعا للريموت ولا البر ست
كنترول DSM225-050SP
عمليات m52771sp
الباور يعمل به fs3km
مشاركه
رعشة اللد يعنى الجهاز عامل بروتكشن (حمايه ) فعليك برفع ic الفرتكل من الشاسيه إذا إشتغل غير ال ic ثانياَ أختبر الميكرو بعد قياس ضغوطه ال 5فولت vcc والرست وتاكد من كرستالة المذبذب وأخيراَ تأكد من الvcc h على ic الجنجل
الرد
بعد القياس والفحص الدقيق تبين الاتى
الجهاز تم تغيير مقاومات فى دائره الباور من قبل احد الورش الاخرى وبعد الاطلاع على الكتالوج الخاص تم مراجعه القيم الصحيحه لهذه المقاومات
وبعد توصيلل الجهاز على دائره باور خارجيه اشتغل الجهاز تمام
اذا العيب فى الباور

العطل الثاني و العشرون
[ندعوك للتسجيل في المنتدى أو التعريف بنفسك لمعاينة هذه الصورة]
الجهاز:جولدى موديل cf-20A86AGI-
العطل: خط افقى لامع فى وسط الشاشة(فيرتكال)-و لا يوجد صوت
تتبع العطل: ال24فولت بتوع الفيرتكال طالعين تمام و رايحين على اى سى الفيرتكال و مخرجة تمام-ic-(la7840 بالرغم من ذلك تم تغيير الاىسى و لم يتغير شىء
-طالع من الكونفرتر-115فولت بتوع تغذية الاين تمام-و طالع 20 فولت تغذية اىسى الصوت(ic-la4267)-لكن مفيش اى خرج من الاى سى دى-بالتالى لا يوجد صوت-
-و طالع 16 فولت -المفروض ان دول ال12 فولت؟؟
-اى سى الجانجل-تغذيتها تمام و مخرجة الفولتات بتاعتها تمام-(ic-la76810A)
-التيونر معلهوش ال12فولت-و مش عارف على انهو رجل؟؟-لانه مش مكتوب علي الشاسيه اى بيانات علي التيونر و لا علي التيونر نفسه(-wwp5000 38.9mhz)
المطلوب:-انه رجل علي التيونر هى رجل ال12فولت؟(+B)لانهم مش موجودين-
- ال12 فولت بيطلعو فين من بعد الكونفرتر؟-هل هم ال16 فولت الموجودين؟؟
مشاركه
علي ما اظن هما ان ال12فولت ناقصين من الجهاز لو التيونر من النوع العادي هيبقي علي رجل +bلو من الديجيتال يبقي لازم دايرة الجهازولو من العادي وصلهم مباشرة علي ال+bهيشتغل الجهاز صوت وفرت مباشرة
الحقيقة هو فعلا ال12 فولت ناقصين-و التيونر من نوع الديجيتال-و للاسف الدائرة مش متوفرة معايا-
و سؤالى كان على فين ال12 فولت؟--على انه رجل علي التيونر-لانه معلهوش اى بيانات-
مشاركه
غير الاى سى 76810لان تعمل هذه الاعطال
الرد
العيب كان فعلا فى الاسى الجنجل---غيرتها و الجهاز اشتغل تمام—

العطل الثالث و العشرون
[ندعوك للتسجيل في المنتدى أو التعريف بنفسك لمعاينة هذه الصورة]
جولد استار 20 بوصة موديل cf_20b76a الميكرو dsm225_050sb وايسى m52771asp ومومرى 24c08 ودائرة البور موسفت وشريحة الجهاز لا يعمل av اى على الوصلات الاديو والفيديو مظهر العيب انة عند الضغط على av تظهر كلمة كلمة av لا غير ولكن لا يزال يستقبل من التيونر ولا يستقبل من الوصلات الاديو والفيديو فتحت السرفيس بمنيو 6453 وفى بند av غيرتة من 2 الى( ا ) واحد عمل على الوصلات جيدا

السلام عليكم
تحياتي للجميع
تم بحمد الله كتابه جميع اعطال
جولدستار 200 قناه
وسيتم كتابه باقي موديلات وجميع الاجهزه الاخري قريبا

» توشيبا 40 قناه -جميع الاعطال
» جولدستار متعدد - جميع الاعطال
» جولدستار 11نظام- جميع الاعطال
» جولدستار23نظام - جميع الاعطال
» NEC قديم - جميع الاعطال